Kick-Off
No er det endeleg tid for å sparke i gang både den nye sesongen og oppstarten av Sogndal Turnforening – og vi håpar du blir med på feiringa!
Vi inviterer store og små til ein innhaldsrik dag fylt med aktivitetar, opplevingar og god stemning. Dette er ein flott moglegheit til å bli kjend med den nye turnforeininga, møte trenarar og utøvarar, og sjå kva vi har å tilby.
Gjennom dagen blir det mellom anna show, føredrag, open hall, ansiktsmåling, premiar, kiosk og mykje meir. Her blir det aktivitetar og opplevingar for heile familien.
Set av laurdag 5. september – dette er ein dag du ikkje vil gå glipp av!
Vi gler oss til å feire starten på Sogndal Turnforening saman med dykk.
