Viktig steg i riktig retning!
Formannskapet har gjort eit viktig og gledeleg vedtak for turnmiljøet i kommunen. Med eit einstemmig vedtak har formannskapet valt å støtte planane om ny turnhall på Vesterland med ei løyving på 3 millionar kroner!
Vedtaket markerer eit viktig skritt i riktig retning for realiseringa av turnhallen, og viser brei politisk semje om behovet for gode idrettsanlegg for born og unge. Støtta frå formannskapet gir prosjektet eit solid grunnlag vidare, både når det gjeld finansiering og vidare planlegging.
Me er svært takksame for den tilliten og støtta som er vist, og ser fram til å arbeide vidare mot neste milepæl i prosjektet.
